ফকিৰগঞ্জত আৰক্ষীৰ জালত ড্ৰাগছসহ দুজন ড্ৰাগছ সৰবৰাহকাৰী

In ৰাজ্য
Umra Package

মানকাচৰ : ফকিৰগঞ্জত আৰক্ষীৰ ড্ৰাগছ বিৰোধী অভিযান। বৃহৎ পৰিমাণৰ ড্ৰাগছসহ আৰক্ষীৰ জালত পৰিল দুজন ড্ৰাগছ সৰবৰাহকাৰী। গাওঁৰক্ষী বাহিনীৰ সহযোগত আৰক্ষীয়ে চলাইছিল ড্ৰাগছ বিৰোধী অভিযান।

দক্ষিণ শালমাৰ-মানকাচৰ জিলাৰ ফকিৰগঞ্জৰ ৰাভাৰচলাৰ কুৰা গাঁৱত গাওঁৰক্ষী বাহিনীৰ সহযোগত আৰক্ষীয়ে এক ড্ৰাগছ বিৰোধী অভিযান চলাই বৃহৎ পৰিমাণৰ ড্ৰাগছ জব্দ কৰাৰ লগতে দুজন ড্ৰাগছ সৰবৰাহকাৰীক আটক কৰে।আৰক্ষীয়ে আটক কৰা ড্ৰাগছ সৰবৰাহকাৰী দুজন ছোটোকলিয়া গাঁৱৰ জাহান আলীৰ পুত্ৰ জাহিদুৰ ইছলাম আৰু আইৰকাটা বালুপাৰা গাঁৱৰ প্ৰয়াত আবুল হোছেইনৰ পুত্ৰ ছহিদুৰ ৰহমানক বুলি জানিব পৰা গৈছে।

আটকাধীন ড্ৰাগছ সৰবৰাহকাৰী দুজনৰ পৰা আৰক্ষীয়ে ২৭০ টা নিচাজাতীয় টেবলেট, ৩টা কনটেইনাৰ ভৰ্তি সন্দেহজনক ব্ৰাউন ছুগাৰ আৰু নগদ ৩২ হেজাৰ টকা উদ্ধাৰ কৰিবলৈ সক্ষম যহৈছে। বৰ্তমান আৰক্ষীয়ে ড্ৰাগছ সৰবৰাহকাৰী দুজনক ফকিৰগঞ্জ থানাত অধিক তথ্যৰ বাবে জেৰা চলাই আছে।

ধৃত ড্ৰাগছ সৰবৰাহকাৰী দুজনে দীৰ্ঘদিন ধৰি অঞ্চলটোত নিচাজাতীয় সামগ্ৰীৰ ৰমৰমীয়া বেহা চলাই যুৱ চামক ধ্বংসৰ গৰাহলৈ ঠেলি দিয়াৰ অভিযোগ উত্থাপিত হৈ আছিল। বৃহস্পতিবাৰে নিশা আৰক্ষীয়ে গোপন সুত্ৰৰ ভিত্তিত ড্ৰাগছসহ ড্ৰাগছ সৰবৰাহকাৰী দুজনক আটক কৰিবলৈ সক্ষম হয়।

You may also read!

Mahesh Motors : গুৱাহাটীৰ মহেশ মটৰ্ছত অল নিউ গ্ৰেণ্ড চেৰ’কি মুকলি

গুৱাহাটী : গুৱাহাটীৰ মহেশ মটৰ্ছত (Mahesh Motors) অল নিউ গ্ৰেণ্ড চেৰ'কি মুকলি। বাহনখন মুকলি কৰিলে অভিনেত্রী মেঘৰঞ্জনী মেধিয়ে। এক্স

Read More...

Nagaon Police Firing : পুনৰ ভুল কৰিলে নগাঁও আৰক্ষীয়ে : গুলীয়ালে এজন নিৰীহ যুৱকক

নগাঁও : পুনৰ ভুল কৰিলে নগাঁও আৰক্ষী। নগাঁও আৰক্ষীয়ে গুলীয়ালে (Nagaon Police Firing) এজন নিৰীহ যুৱকক। নগাঁও আৰক্ষীৰ গুলীত

Read More...

Dibrugarh University : ডিব্ৰুগড় বিশ্ববিদ্যালয়ৰ কতৃপক্ষই বহিস্কাৰ কৰিলে ১৮ জন ছাত্ৰক

Shivani Saikia গুৱাহাটী : ডিব্ৰুগড় বিশ্ববিদ্যালয়ত (Dibrugarh University) ভয়ংকৰ ৰেগিংৰ ঘটনা। পদ্মনাথ গোহাঞিবৰুৱা ছাত্ৰাবাসত সংঘটিত হৈছে এই ভয়ংকৰ ৰেগিংৰ

Read More...

Mobile Sliding Menu