নিউজ ডেস্ক : বিজেপি বিহীন চৰকাৰ গঠন হ’লে কৃষকে পাব বিনামূলীয়া জলসিঞ্চন আৰু বিদ্যুৎ (Free Electricity)। ২০২৪ ত কেন্দ্ৰত কেন্দ্ৰত বিজেপি বিহীন চৰকাৰ গঠন হ’লে কৃষকে বিনামূলীয়া জলসিঞ্চন, বিদ্যুৎ আদি লাভ কৰিব বুলি কয় মুখ্যমন্ত্ৰী কেচিআৰে।
তেলেংগানাৰ মুখ্যমন্ত্ৰী কে চন্দ্ৰশেখৰ ৰাও কেচিআৰে কয় যে ২০২৪ চনত অনুষ্ঠিত হ’বলগীয়া লোকসভা নিৰ্বাচনত যদি অবিজেপি চৰকাৰ গঠন হয়, তেন্তে সমগ্ৰ দেশৰ কৃষক সকলক বিনামূলীয়াকৈ বিদ্যুৎ প্ৰদান কৰা হ’ব। তদুপৰি, পৃথক ৰাজ্যিক আন্দোলনৰ পৰা অনুপ্ৰেৰণা লৈ বিজেপি মুক্ত ভাৰতৰ শ্ল’গানেৰে তেওঁৰ দল তেলেংগানা ৰাষ্ট্ৰ সমিতি টি আৰ এছে ৰাষ্ট্ৰীয় ৰাজনীতিত প্ৰৱেশ কৰিব বুলিও কয়।
তেওঁ কয় যে সমগ্ৰ দেশতে তেলেংগানাৰ উন্নয়নৰ আৰ্হি ৰূপায়ণৰ বাবে টি আৰ এছে ৰাষ্ট্ৰীয় ৰাজনীতিত প্ৰৱেশ কৰিব আৰু দেশৰ জনসাধাৰণৰ সমৰ্থনত টি আৰ এছে ভাৰতৰ মুখ সলনি কৰিব। নিজামাবাদত আয়োজন কৰা এক কাৰ্যসূচীত তেওঁ কয় যে জনসাধাৰণৰ স্বাৰ্থ ৰক্ষাৰ বাবে টি আৰ এছে ৰাষ্ট্ৰীয় ৰাজনীতিত প্ৰৱেশ কৰিব। আমি ইয়াৰ পৰা আৰম্ভ কৰিম। প্ৰধানমন্ত্ৰী নৰেন্দ্ৰ মোদীয়ে কৃষি খণ্ডক ১.৪৫ লাখ টকাৰ বিনামূলীয়া বিদ্যুৎ যোগান ধৰিব নোৱাৰাৰ ওপৰত তেওঁ প্ৰশ্ন উত্থাপন কৰে।
তেলেংগানাৰ মুখ্যমন্ত্ৰী কে চন্দ্ৰশেখৰ ৰাৱে দাবী কৰে যে নৰেন্দ্ৰ মোদী আৰু তেওঁৰ মন্ত্ৰীসকলে নন-পাৰফৰ্মিং এচেটৰ আৱৰণত ১২ লাখ কোটি টকা ৰেহাই দিছিল। আপুনি আৰু আপোনাৰ মন্ত্ৰী সকলে এন পি এৰ জৰিয়তে কৰ্পৰেটক ১২ লাখ কোটি টকা দিছে বুলিও তেওঁ কয়। কেচিআৰে কয় যে কেনেকৈ আপুনি কৃষকক ১.৪৫ কোটি টকা দিব পৰা নাই। গতিকে কে চি আৰ সাজু হৈছে ৰাষ্ট্ৰীয় ৰাজনীতিত প্ৰৱেশৰ বাবে।