জনতাৰ প্ৰতিবাদত শিৰনত প্ৰশাসনৰ

In ৰাজ্য

মানকাচাৰ, ৩ জুনঃ দক্ষিণ শালমাৰা মানকাচাৰ জিলাৰ জনতাৰ প্ৰতিবাদত শিৰনত কৰিবলৈ বাধ্য হ’ল চৰকাৰ তথা জিলা প্ৰশাসন৷ জনতাৰ উত্তাল প্ৰতিবাদত অৱশেষত জিলাখনৰ উপায়ুক্তত কৰুণা কুমাৰীক বদলি কৰিবলৈ বাধ্য হয় চৰকাৰ তথা জিলা প্ৰশাসন৷ উল্লেখ্য যে, দক্ষিণ শালমাৰা মানকাচাৰত কৰুণা কুমাৰীয়ে উপায়ুক্তৰ দায়িত্ব লাভ কৰাৰ পিছৰে পৰা সাধাৰণ লোকক অশালীন ব্যৱহাৰ কৰাৰ লগতে যিকোনো ব্যক্তিৰ নামত ভূৱা গোচৰ ৰুজু কৰিবলৈ আৰম্ভ কৰাৰ অভিযোগ উত্থাপন হৈছিল৷ উপায়ুক্তগৰাকীয়ে সাংবাদিকক দুব্যৱহাৰ কৰাৰ লগতে উপায়ুক্তৰ কাৰ্যালয়ত প্ৰৱেশ কৰাৰ ক্ষেত্ৰত বিভিন্ন প্ৰকাৰে হাৰাশাস্তি কৰাৰো অভিযোগ উত্থাপন হৈছিল৷ এনে উপায়ুক্ত জিলাত থাকিলে জিলাখন উন্নয়ন সম্ভৱ নহয় বুলি অভিযোগ তুলি উপায়ুক্তক বদলিৰ দাবীত ২০ টাকৈ সংগঠনে স্থানীয় ৰাইজৰ সহযোগত ২৩ মে’ৰ পুৱা ৪ বজাৰ পৰা ২৪ ঘন্টীয়া দক্ষিণ শালমাৰা মানকাচাৰ জিলা বন্ধ কাৰ্যসূচী ৰূপায়ন কৰে৷ কিন্তু ইয়াৰ পিছতো প্ৰশাসন তথা চৰকাৰে উপায়ুক্তগৰাকীৰ বদলিৰ কাৰণে কোনো ধৰণৰ বিহিত ব্যৱস্থা গ্ৰহণ নকৰাত কৰুণা কুমাৰীক বদলিৰ দাবীত সংগঠন কেইটাই স্থানীয় ৰাইজৰ সহযোগত ২৯ মে’ৰ পৰা আমৰণ অনশন কাৰ্যসূচী ৰূপায়ন কৰে৷ বিগত ৫ দিন ধৰি চৰকাৰ তথা প্ৰশাসনৰ বাধাৰ প্ৰাচীৰ নেওচি জনতাই উত্তাল প্ৰতিবাদ অব্যাহত ৰখাত অৱশেষত চৰকাৰে কৰুণা কুমাৰীক জিলাখনৰ উপায়ুক্ত পদৰ পৰা বদলি কৰাবলৈ বাধ্য হয়৷

Comments

comments

You may also read!

ভুলুণ্ঠিত গণতন্ত্ৰত অৱদমিত নাৰী : বেটী বচাওৰ কথা কোৱা চৰকাৰে বেটী বচোৱা নাই

গুৱাহাটী, সংবাদ ৩৬৫, ১৮ জুন : সুস্থ সমাজ বিকাশ চক্ৰ আৰু ফ'ৰাম এগেইনষ্ট ছেক্সুৱেল হেৰেছমেণ্ট ইন এডুকেশ্যন ইনষ্টিটিউটৰ সহযোগত

Read More...

এলাগী হৈ পৰিছে মামণি ৰয়চম গোস্বামীৰ সপোনৰ চিকিৎসালয় : ক্ৰমাৎ জহি-খহি যাব ধৰিছে চিকিৎসা যন্ত্ৰ

পলাশবাৰী, সংবাদ ৩৬৫, ১৭ জুন : এলাগী হৈ পৰিছে জ্ঞানপীঠ বঁটা বিজয়ী মামণি ৰয়চম গোস্বামীৰ সপোনৰ চিকিৎসালয় । দক্ষিণ

Read More...

অসম প্ৰদেশ কংগ্ৰেছৰ পৰা পদত্যাগ সাধাৰণ সম্পাদক পাৰ্থ প্ৰতিম বৰাৰ : পদত্যাগ কৰিয়েই মন্তব্য “ৰিপুন বৰাই টেণ্ট হাউচৰ চকী আনি পূৰণ কৰিব লাগিব মিছন ৮০ “

গুৱাহাটী, সংবাদ ৩৬৫, ১৭ জুন : অসম প্ৰদেশ কংগ্ৰেছৰ পৰা পদত্যাগ অসম প্ৰদেশ কংগ্ৰেছ কমিটিৰ সাধাৰণ সম্পাদক পাৰ্থ প্ৰতিম

Read More...

Mobile Sliding Menu