বিভাগীয় বিষয়া অভিযন্তাৰে জলসম্পদ মন্ত্ৰী পীযুষ হাজৰীকাৰ বৈঠক

In ৰাজ্য
Umra Package

গুৱাহাটী : অসম চৰকাৰৰ জলসম্পদ আদি বিভাগৰ মন্ত্ৰী পীযুষ হাজৰীকাই দিছপুৰস্থিত জনতা ভৱনৰ নিজা কাৰ্যালয়ৰ সভাকক্ষত বিভাগীয় বিষয়া তথা অভিযন্তাসকলৰ সৈতে এখন গুৰুত্বপূৰ্ণ পৰ্যালোচনা বৈঠকত অংশ লয়। অসম চৰকাৰৰ অতিৰিক্ত মুখ্য সচিব এচ. আব্বাচী আৰু জলসম্পদ বিভাগৰ মুখ্য অভিযন্তাৰ উপস্থিতিত মন্ত্ৰী পীযুষ হাজৰীকাই ব্ৰহ্মপুত্ৰ উপত্যকাৰ জিলাকেইখনৰ অভিযন্তাসকলৰ পৰা ব্ৰহ্মপুত্ৰ নদীৰ বান আৰু খহনীয়াৰ বিষদ বুজ লয়।

বিশেষকৈ বৈঠকত অসম বান আৰু নদী খহনীয়া ব্যৱস্থাপনা অভিকৰণ (ফ্ৰেমা)ৰ দ্বাৰা ব্ৰহ্মপুত্ৰ নদীৰ বান আৰু খহনীয়া নিয়ন্ত্ৰণৰ বাবে ৰূপায়ণ হ’বলগা আঁচনিসমূহৰ বিষয়ে বিষদভাৱে আলোচনা কৰা হয়। মন্ত্ৰীগৰাকীয়ে বিভাগীয় বিষয়াসকলক বান আৰু নদী খহনীয়া ব্যৱস্থাপনা অভিকৰণ (ফ্ৰেমা)ৰ দ্বাৰা ৰূপায়িত হ’বলগা আঁচনিসমূহৰ ক্ষেত্ৰত জলসম্পদ বিভাগৰ ইতিমধ্যে থকা আঁচনিৰ সৈতে যাতে উপৰা-উপৰি নহয় সেই সংক্ৰান্তত বিশেষ মনোযোগ দিবলৈ নিৰ্দেশ দিয়ে।

আনহাতে বৈঠকতে মন্ত্ৰী পীযুষ হাজৰীকাই বিভাগীয় অভিযন্তাসকলক বৰ্তমানে বিভাগৰ চলি থকা কামসমূহৰ ক্ষেত্ৰত গুৰুত্ব দি ঠিকাদাৰে কৰি থকা কামসমূহ প্ৰত্যক্ষভাৱে তদাৰক কৰিবলৈ নিৰ্দেশ দিয়ে। আনহাতে বিগত বাৰিষাৰ সময়ত বিভাগীয়ে তৎপৰতাৰে বহুখিনি বান নিয়ন্ত্ৰণ কৰাৰ কথা উল্লেখ কৰি আহিব লগা বাৰিষাৰ বাবেও সকলোকে আগতীয়াকৈ সাজু হৈ থাকিবলৈ নিৰ্দেশ দিয়ে।

বিশেষকৈ পাৰ্কুপাইন, জিঅ’ বেগ আদি জৰুৰীকালীন সময়ত প্ৰয়োজন হ’বলগা সামগ্ৰী ক্ৰয়ৰ বাবে প্ৰয়োজনীয় প্ৰশাসনীয় কাম সোনকালে সমাপ্ত কৰিবলৈ মন্ত্ৰীগৰাকীয়ে বিভাগীয় বিষয়াক নিৰ্দেশ দিয়ে। আনহাতে এপ্ৰিল মাহৰ শেষৰ সপ্তাহৰ ভিতৰত জৰুৰীকালীন সময়ত প্ৰয়োজন হ’বলগা সামগ্ৰীসমূহ জিলাসমূহলৈ বিতৰণ কৰিবৰ বাবেও নিৰ্দেশ দিয়ে মন্ত্ৰীগৰাকীয়ে।

You may also read!

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Deepor Beel : দীপৰ বিলে হেৰুৱাবলৈ ধৰিছে ৰামচাৰ ক্ষেত্ৰৰ বৈশিষ্ট্য সমূহ

Shivani Saikia গুৱাহাটী : ২০০২ চনৰ নৱেম্বৰ মাহত দীপৰ বিলে ৰামচাৰ ক্ষেত্ৰ হিচাপে স্বীকৃতি লাভ কৰিছিল। দীপৰ বিলে অসমৰ একমাত্ৰ

Read More...

National Milk Day : পূৰবী ডেইৰীৰ ৰাষ্ট্ৰীয় দুগ্ধ দিৱস উদযাপন

গুৱাহাটী :  অসমৰ সৰ্ববৃহৎ ডেইৰী কোপাৰেটিভ পূৰবী ডেইৰীয়ে ২৬ নৱেম্বৰত “ভাৰতৰ শ্বেত বিপ্লৱৰ পিতৃ’’, “ভাৰতৰ দুগ্ধমানৱ হিচাপে খ্যাত” ড০

Read More...

Mobile Sliding Menu