জলবায়ু পৰিবৰ্তন প্ৰতিৰোধী কাৰ্যপন্থা নিৰ্দ্ধাৰণ সম্পৰ্কীয় কৰ্মশালা

In ৰাজ্য
Umra Package

আমিনগাঁও : অসম চৰকাৰৰ জলবায়ু পৰিবৰ্তন সমিতি আৰু আৰণ্যকৰ উদ্যোগত তথা কামৰূপ জিলা প্ৰশাসনৰ সহযোগত বুধবাৰে জলবায়ু পৰিবৰ্তন প্ৰতিৰোধী কাৰ্যপন্থা নিৰ্দ্ধাৰণ বিষয়ক এখন কৰ্মশালা অনুষ্ঠিত কৰা হয়। জিলা উপায়ুক্তৰ কাৰ্যালয়ৰ প্ৰশিক্ষণ প্ৰেক্ষাগৃহত জিলাখনৰ বিভিন্ন বিভাগৰ প্ৰতিনিধিসকলৰ উপস্থিতিত আয়োজিত এই কৰ্মশালাখন কামৰূপ জিলাৰ উপায়ুক্ত কৈলাশ কাৰ্তিক এনে উদ্বোধন কৰে।

কৰ্মশালাত কামৰূপ জিলাক প্ৰাধান্য দি অসমৰ প্ৰেক্ষাপটত জলবায়ু পৰিবৰ্তন আৰু ইয়াৰ প্ৰভাৱ সম্পৰ্কে আৰণ্যকৰ পৰিৱেশ বিজ্ঞানী ডঃ পাৰ্থ জ্যোতি দাসে বক্তব্য দাঙি ধৰে। আনহাতে জ্যেষ্ঠ কৃষি বিজ্ঞানী ডঃ ইমদাদ হুছেইন ঠাকুৰীয়াই কৃষিৰ ক্ষেত্ৰত জলবায়ু পৰিবৰ্তনৰ প্ৰভাৱ আৰু এই সংক্ৰান্তত ল’বলগীয়া কাৰ্যপন্থাৰ বিষয়ে চিন্তাকৰ্ষক অবলোকন কৰে।

কৰ্মশালাত জিলা উন্নয়ন আয়ুক্ত নৰসিং বেয়ে জলবায়ু পৰিবৰ্তনৰ প্ৰভাৱত ক্ষতিগ্ৰস্ত হোৱা বিভিন্ন বিষয়ৰ কথা উল্লেখ কৰে আৰু এই ক্ষেত্ৰত বিভিন্ন বিভাগৰ এক সামুহিক প্ৰচেষ্টাৰ গুৰুত্বৰ বিষয়ে কয়। অসম ৰাজ্যিক জৈৱ পৰিষদৰ ডঃ ঐনম সুনন্দা দেৱীয়ে অসমত জৈৱ বৈচিত্ৰৰ ওপৰত জলবায়ু পৰিবৰ্তনৰ প্ৰভাৱ সম্পৰ্কে বিশদভাৱে ব্যাখ্যা কৰে।

এই কৰ্মশালাত উপস্থিত থকা বিভিন্ন বিভাগৰ বিষয়াসকলে কামৰূপ জিলাত জলবায়ু পৰিবৰ্তন প্ৰতিৰোধ বিষয়ক কাৰ্যপন্থা নিৰ্ধাৰণৰ বাবে বিভিন্ন মত প্ৰকাশ কৰে। এই কৰ্মশালাখনত ৰাজ্যিক দুৰ্যোগ প্ৰশমন বিভাগৰ ফালৰ পৰা ডঃ ৰাজীৱ দত্ত চৌধুৰী উপস্থিত থাকে।

You may also read!

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Deepor Beel : দীপৰ বিলে হেৰুৱাবলৈ ধৰিছে ৰামচাৰ ক্ষেত্ৰৰ বৈশিষ্ট্য সমূহ

Shivani Saikia গুৱাহাটী : ২০০২ চনৰ নৱেম্বৰ মাহত দীপৰ বিলে ৰামচাৰ ক্ষেত্ৰ হিচাপে স্বীকৃতি লাভ কৰিছিল। দীপৰ বিলে অসমৰ একমাত্ৰ

Read More...

National Milk Day : পূৰবী ডেইৰীৰ ৰাষ্ট্ৰীয় দুগ্ধ দিৱস উদযাপন

গুৱাহাটী :  অসমৰ সৰ্ববৃহৎ ডেইৰী কোপাৰেটিভ পূৰবী ডেইৰীয়ে ২৬ নৱেম্বৰত “ভাৰতৰ শ্বেত বিপ্লৱৰ পিতৃ’’, “ভাৰতৰ দুগ্ধমানৱ হিচাপে খ্যাত” ড০

Read More...

Mobile Sliding Menu