নগাঁও জিলাৰ নীলাপানী হ্ৰদত প্ৰশাসনৰ ১৪৪ ধাৰা বলবৎ

In ৰাজ্য
Umra Package

নৱজ্যোতি বৰুৱা

চামগুৰি

৯ নৱেম্বৰ

নগাঁও জিলাৰ কলিয়াবৰ মহকুমাৰ অন্তৰ্গত কঠালগুৰিৰ নীলা পানী হ্ৰদ থকা অঞ্চলটোত স্থানীয় প্ৰশাসনে ভাৰতীয় দণ্ডবিধি আইনৰ অধীনত ১৪৪ ধাৰা বলবৎ কৰিছে। কলিয়াবৰৰ মহকুমাধিপতি বিতোপন নেওগে সোমবাৰে জাৰি কৰা এক আদেশ মৰ্মে কঠালগুৰিত থকা মনোৰম নীলা পানী হ্ৰদটোত কোনো লোকেই নামিব নোৱাৰিব, সাতুৰিব নোৱাৰিব, জপিয়াব নোৱাৰিব।

প্ৰশাসনে সমগ্ৰ অঞ্চলটোত কোনো ব্যক্তিয়ে নিচাযুক্ত সামগ্ৰী ব্যৱহাৰ কৰিব নোৱাৰিব বুলি আদেশটোত উল্লেখ কৰিছে। কোনো লোকে যদি প্ৰসাদনৰ এই আদেশ অমান্য কৰে তেন্তে আইন অনুসৰি সেইসকলক অপৰাধী বুলি গণ্য কৰা হ’ব। উল্লেখযোগ্য যে উক্ত নীলা পানী হ্ৰদটোত বিগত সময়ছোৱাত কেইবাগৰাকীও ব্যক্তিয়ে সাতুৰিবলৈ গৈ মৃত্যুবৰণ কৰিব লগা হৈছিল। উল্লেখ্য যে নগাঁও জিলাৰ চামগুৰিৰ নীলাপানীৰ হ্ৰদত কিছুদিন পূৰ্বে প্ৰাকৃতিক সৌন্দৰ্য্য উপভোগ কৰিবলৈ আহি সন্ধানহীন হৈছিল গুৱাহাটীৰ বামুনীমৈদামৰ বিকি কলিতা নামৰ এজন যুৱক। নীলাপানী হ্ৰদত গা ধুবলৈ নামি নিখোজ হোৱা বিকি কিলিতৰ মৃতদেহ এছ ডি আৰ এফ বাহিনীয়ে চাৰিদিন পিছতে উদ্ধাৰ কৰিবলৈ সক্ষম হৈছিল।

যোৱা শুকুৰবাৰেও চামগুৰিৰ অভিশপ্ত নীলাপানী হ্ৰদত বিয়লি সন্ধানহীন হৈছল এজন লোক। হ্ৰদৰ পানীত সাতুঁৰিবলৈ নামি ইটাচালিৰ আয়নাভ হাজৰিকা নামৰ লোকজন সন্ধানহীন হৈছল। গুৱাহাটীৰ পৰা অহা এজন বন্ধুৰ সৈতে হ্ৰদটোত ফটো উঠিবলৈ বিয়লি আহিছিল আয়নাভ হাজৰিকা। স্থানীয় একাংশ লোকে আয়নাভ হাজৰিকা হ্ৰদত নামিবলৈ বাধা দিছিল যদিও আয়নাভ হাজৰিকা হ্ৰদত নামি সন্ধানহীন হৈ পৰিছিল। শনিবাৰে পুৱাৰ ভাগত হ্ৰদৰ পানীত ওপঙি থকা অৱস্থাত উদ্ধাৰ হৈছল আয়নাভ হাজৰিকাৰ মৃতদেহ।

You may also read!

Dibrugarh University : ডিব্ৰুগড় বিশ্ববিদ্যালয়ৰ কতৃপক্ষই বহিস্কাৰ কৰিলে ১৮ জন ছাত্ৰক

Shivani Saikia গুৱাহাটী : ডিব্ৰুগড় বিশ্ববিদ্যালয়ত (Dibrugarh University) ভয়ংকৰ ৰেগিংৰ ঘটনা। পদ্মনাথ গোহাঞিবৰুৱা ছাত্ৰাবাসত সংঘটিত হৈছে এই ভয়ংকৰ ৰেগিংৰ

Read More...

Sukur Ali : শুকুৰ আলীক লপা-থপা দি আৰক্ষীক গতাই দিলে ৰাইজে

Basiruddin Ahmed  ধুবুৰী : (Sukur Ali) শুকুৰ আলী বিপদত। ধন আত্মসাৎ কৰি বিপদত পৰিছে শুকুৰ আলী। কেইবাঘণ্টা ধৰি ৰাইজে আটক

Read More...

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Mobile Sliding Menu