যৌতুকৰ বাবে পত্নীক কেৰাচিন ঢালি জ্বলাই দিলে স্বামীয়ে

In ৰাজ্য
Umra Package

মুস্তাক আহমেদ

জুৰীয়া

৩১ অক্টোবৰ

জুৰীয়াত সংঘটিত হৈছে চাঞ্চল্যকৰ ঘটনা। যৌতুকৰ বাবে এগৰাকী বোৱাৰীক কেৰাচিন ঢালি জ্বলাই দিলে স্বামীসহ স্বামীৰ পৰিয়ালৰ লোকে। অগ্নিদগ্ধ বোৱাৰী গৰাকীৰ পিতৃগৃহৰ পৰিয়ালৰ লোকে ঘটনা সংক্ৰান্তত পাঁচ জন লোকৰ বিৰুদ্ধে জুৰীয়া আৰক্ষী থানাত গোচৰ তৰিছে। আৰক্ষীয়ে আটক কৰিছে বোৱাৰী গৰাকীৰ স্বামীক।

নগাঁও জিলাৰ জুৰীয়াত পুনৰ সংঘটিত হৈছে বোৱাৰী নিৰ্যাতনৰ এক চাঞ্চল্যকৰ ঘটনা। জুৰীয়াৰ নগাবন্ধাত এগৰাকী বোৱাৰীক যৌতুকৰ বাবে স্বামীসহ স্বামীৰ পৰিয়ালৰ লোকে কেৰাচিন ঢালি জ্বলাই দিলে। পিতৃগৃহৰ পৰা স্বামীৰ পৰিয়ালে দাবী কৰা ধন আনিবলৈ অমান্তি হোৱাৰ বাবেই বোৱাৰী গৰাকীক স্বামীসহ স্বামীৰ পৰিয়ালৰ লোকে জ্বলাই হত্যাৰ চেষ্টা চলোৱাৰ অভিযোগ উথাপিত হৈছে। তিনিবছৰৰ পূৰ্বে শিঙাৰী গাঁওৰ মহিলা গৰাকী বিবাহপাশত আবদ্ধ হৈছিল নগাবন্ধা গাঁৱৰ আতাবুৰ ৰহমান নামৰ এজন লোকৰ লগত। বিবাহৰ পিছৰ পৰাই স্বামীৰ পৰিয়ালে যৌতুক বিচাৰি বোৱাৰী গৰাকীক অকথ্য নিৰ্যাতন চলাই আহিছিল। স্বামীৰ পৰিয়ালৰ নিৰ্যাতন মাজতো বোৱাৰী গৰাকীয়ে দাবী কৰা ধন আনিবলৈ অমান্তি হোৱাত স্বামী, শাহুৱেক আৰু দেওৰেকে মিলি কেৰাচিন তেল ঢালি জ্বলাই দিয়ে বোৱাৰী গৰাকীক। দেহৰ ৮০ শতাংশ দগ্ধ হোৱা বোৱাৰী গৰাকী বৰ্তমান গুৱাহাটী চিকিৎসা মহাবিদ্যালয় হস্পিতালত মৃত্যুৰ সৈতে যুঁজি আছে।

অগ্নিদগ্ধ বোৱাৰী গৰাকীৰ পিতৃগৃহৰ পৰিয়ালৰ লোকে ঘটনা সংক্ৰান্তত স্বামী, শাহুসহ মুঠ পাঁচ জন লোকৰ বিৰুদ্ধে জুৰীয়া আৰক্ষী থানাত গোচৰ তৰে। আৰক্ষীয়ে ইতিমধ্যে বোৱাৰী গৰাকীৰ স্বামী আতাবুৰ ৰহমানক আটক কৰিছে।

You may also read!

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Deepor Beel : দীপৰ বিলে হেৰুৱাবলৈ ধৰিছে ৰামচাৰ ক্ষেত্ৰৰ বৈশিষ্ট্য সমূহ

Shivani Saikia গুৱাহাটী : ২০০২ চনৰ নৱেম্বৰ মাহত দীপৰ বিলে ৰামচাৰ ক্ষেত্ৰ হিচাপে স্বীকৃতি লাভ কৰিছিল। দীপৰ বিলে অসমৰ একমাত্ৰ

Read More...

National Milk Day : পূৰবী ডেইৰীৰ ৰাষ্ট্ৰীয় দুগ্ধ দিৱস উদযাপন

গুৱাহাটী :  অসমৰ সৰ্ববৃহৎ ডেইৰী কোপাৰেটিভ পূৰবী ডেইৰীয়ে ২৬ নৱেম্বৰত “ভাৰতৰ শ্বেত বিপ্লৱৰ পিতৃ’’, “ভাৰতৰ দুগ্ধমানৱ হিচাপে খ্যাত” ড০

Read More...

Mobile Sliding Menu