২৬ খনকৈ জিলাৰ মুঠ ১০৮৯ খন গাঁও ডুব গৈ আছে বাঢ়নী পানীত

In ৰাজ্য
Umra Package

গুৱাহাটী : ৰাজ্যত অব্যাহত আছে বানৰ সংহাৰী ৰূপ। ৰাজ্যৰ ২৬ খনকৈ জিলাৰ মুঠ ১০৮৯ খন গাঁও এতিয়াও ডুব গৈ আছে বাঢ়নী পানীত। বানপানী আৰু ভূমিস্খলনৰ ফলত ৰাজ্যত বর্তমানলৈকে ৮ জনকৈ লোকে প্ৰাণ হেৰুৱাইছে। বানপানীত তিনিজন লোকৰ মৃত্যু হৈছে। কাছাৰ জিলাত দুজন আৰু ওদালগুৰি জিলাত এজন লোকৰ মৃত্যু হৈছে বানপানীৰ ফলত। আনহাতে ডিমা হাছাও জিলাত চাৰি জন আৰু লখিমপুৰত এজন, মুঠ পাঁচ জন লোকৰ ভূমিস্খলনত মৃত্যু হৈছে।

ইফালে কাছাৰ জিলাত চাৰিজন, নগাঁও জিলাত এজন আৰু আন পাঁচজন লোক সন্ধানহীন হোৱাৰ খবৰ আহিছে। বানপানীৰ ফলত ৰাজ্যত চাৰি লাখতকৈও অধিক লোক প্ৰভাৱিত হৈছে। আৰক্ষী, সেনা, অৰ্ধ-সামৰিক বাহিনী, ৰাষ্ট্ৰীয় দুৰ্যোগ সঁহাৰি বাহিনী, ৰাজ্যিক দুৰ্যোগ সঁহাৰি বাহিনী আৰু অগ্নি নিৰ্বাপক বাহিনীৰ জৰুৰীকালীন সেৱাই বানপানীত আৱদ্ধ হৈ থকা ৩৪২৭ জন লোকক উদ্ধাৰ কৰিছে। বান প্ৰভাৱিত জিলা সমূহত প্ৰশাসনে ১৪২ টা আশ্ৰয় শিবিৰ আৰু ১১৫ টা সাহায্য বিতৰণ কেন্দ্ৰ স্থাপন কৰা হৈছে।

আশ্ৰয় শিবিৰত মুঠ ৩৯,৫৫৮ জন বানাক্ৰান্ত লোকক আশ্ৰয় প্ৰদান কৰা হৈছে। বৰ্তমান কামপুৰ আৰু ধৰ্মতুলত বিপদ সীমাৰ চিহ্নৰ ওপৰেৰে কপিলী নদী, নাংলামুৰাঘাটত দিছাং নদী, এ পি ঘাটত বৰাক নদী আৰু কৰিমগঞ্জত কুছিয়াৰা নদী বৈ আছে। ইফালে, গুৱাহাটীস্থিত আঞ্চলিক বতৰ বিজ্ঞান কেন্দ্ৰই অনাগত দিনত অঞ্চলটোত প্ৰচণ্ডৰ পৰা অতি প্ৰচণ্ড বৰষুণ হ’ব বুলি ভৱিষ্যদ্বাণী কৰিছে। বিভাগটোৱে জনোৱা মতে, অঞ্চলটোত সাধাৰণতকৈ অধিক বৰষুণ হৈছে আৰু অহা দুদিনমানলৈ অধিক বৰষুণ হ’ব।

You may also read!

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Deepor Beel : দীপৰ বিলে হেৰুৱাবলৈ ধৰিছে ৰামচাৰ ক্ষেত্ৰৰ বৈশিষ্ট্য সমূহ

Shivani Saikia গুৱাহাটী : ২০০২ চনৰ নৱেম্বৰ মাহত দীপৰ বিলে ৰামচাৰ ক্ষেত্ৰ হিচাপে স্বীকৃতি লাভ কৰিছিল। দীপৰ বিলে অসমৰ একমাত্ৰ

Read More...

National Milk Day : পূৰবী ডেইৰীৰ ৰাষ্ট্ৰীয় দুগ্ধ দিৱস উদযাপন

গুৱাহাটী :  অসমৰ সৰ্ববৃহৎ ডেইৰী কোপাৰেটিভ পূৰবী ডেইৰীয়ে ২৬ নৱেম্বৰত “ভাৰতৰ শ্বেত বিপ্লৱৰ পিতৃ’’, “ভাৰতৰ দুগ্ধমানৱ হিচাপে খ্যাত” ড০

Read More...

Mobile Sliding Menu