অসমৰ দৃষ্টিহীন মহিলা ক্ৰিকেট দলৰ ৰাষ্ট্ৰীয় পৰ্যায়ৰ প্ৰশিক্ষণ শিবিৰৰ সামৰণি

In ক্ৰীড়াংগন
Umra Package

গুৱাহাটী : অসমৰ দৃষ্টিহীন মহিলা ক্ৰিকেট দলৰ অংশগ্ৰহণেৰে জামচেদপুৰত অনুষ্ঠিত ৰাষ্ট্ৰীয় পৰ্যায়ৰ চাৰিদিনীয়া প্ৰশিক্ষণ শিবিৰৰ বুধবাৰে সামৰণি পৰে। অহা বৰ্ষৰ জানুৱাৰী মাহত দেশত অনুষ্ঠিত হ’বলগীয়া দৃষ্টিহীন মহিলা নাগেশ ট্ৰফী ৰাষ্ট্ৰীয় ক্ৰিকেট টুৰ্ণামেণ্টৰ প্ৰস্তুতি হিচাপে ক্ৰিকেট এছ’চিয়েচন ফৰ দ্য ব্লাইণ্ড ইন ইণ্ডিয়া চমুকৈ চি এ বি আইৰ তত্বাৱধানত ১৪ আগষ্টৰ পৰা ১৭ আগষ্টলৈ জামচেদপুৰত এই প্ৰশিক্ষণ শিবিৰ অনুষ্ঠিত হয়।

প্ৰশিক্ষণ শিবিৰত মঙলবাৰে ঝাৰখণ্ডৰ লগত প্ৰথমখন অনুশীলন মেচত অসমে ৭ উইকেটত জয়লাভ কৰে। বুধবাৰে অনুষ্ঠিত দ্বিতীয়খন খেলত অসমে ১০ ৰাণত পৰাজয় বৰণ কৰে। ঝাৰখণ্ডই বান্ধি দিয়া ৭২ ৰাণৰ লক্ষ্যৰে খেলি দলটোৱে ১০ উইকেটত ৬১ ৰাণহে কৰিবলৈ সক্ষম হয়। এই শিবিৰত দৃষ্টিহীন ক্ৰিকেটৰ উপৰি যোগ, আত্মৰক্ষা, কাৰাটে, ধ্যান আদিৰো প্ৰশিক্ষণ দিয়া হয়। লগতে ষ্টিক লৈ কেনেকৈ চলা ফুৰা কৰিব লাগে এই বিষয়েও জ্ঞান দিয়া হয়। চি এ বি আইৰ স্বীকৃতিপ্ৰাপ্ত প্ৰশিক্ষক তনুময় ভৌমিকৰ দৰে কেইবাগৰাকীও অভিজ্ঞ প্ৰশিক্ষকে খেলুৱৈসকলক প্ৰশিক্ষণ প্ৰদান কৰে।

এই ৰাষ্ট্ৰীয় মানৰ প্ৰশিক্ষণ শিবিৰত অসমৰ দৃষ্টিহীন ক্ৰিকেটৰ ১৩ গৰাকী ছোৱালী খেলুৱৈয়ে অংশগ্ৰহণ কৰে। অসমত দৃষ্টিহীন ক্ৰিকেটক আগুৱাই নিয়াৰ ক্ষেত্ৰত অগ্ৰণী ভূমিকা গ্ৰহণ কৰা কেয়াৰ ইউ ৩৬৫ ৰ উদ্যোগত অসমৰ দলটোৱে জামচেদপুৰৰ এই প্ৰশিক্ষণ শিবিৰত অংশ লয়। অসম দলটোৰ প্ৰশিক্ষক হিচাপে আছিল ৰাজদ্বীপ ডাকুৱা, টীম মেনেজাৰৰ দায়িত্বত আছিল দিবন বৰা আৰু ৱাৰ্ডেনৰ দায়িত্বত আছে প্ৰিয়ংকা কাকতি। টীম লিডাৰ হিচাপে আছিল সত্যজিৎ শৰ্মা আৰু সহযোগী হিচাপে আছিল হেমন্ত কলিতা।

You may also read!

War Against Drugs By Meghalaya Police : অসম আৰক্ষীৰ সমান্তৰালকলৈ অব্যাহত আছে মেঘালয় আৰক্ষীৰ ড্ৰাগছ বিৰোধী অভিযান

শ্বিলং : অসম আৰক্ষীৰ সমান্তৰালকলৈ মেঘালয় আৰক্ষীয়ে ড্ৰাগছ বিৰোধী অভিযান (War Against Drugs By Meghalaya Police) অব্যাহত ৰাখিছে। সোমবাৰে

Read More...

Drugs Seized : পূজাৰ উখল মাখল পৰিৱেশৰ সুযোগ গ্ৰহণ কৰি ড্ৰাগছ সৰবৰাহৰ চেষ্টা

গুৱাহাটী : ৰাজ্যজুৰি দুৰ্গা পূজাৰ উখল মাখল পৰিৱেশ। দুৰ্গা পূজাৰ উখল মাখল পৰিৱেশৰ সুযোগ গ্ৰহণ কৰি ড্ৰাগছ (Drugs) সৰবৰাহৰ

Read More...

গুৱাহাটীত মুকলি কলকাতাৰ জনপ্ৰিয় আইচক্ৰীম পাৰ্লাৰ হিম ক্ৰীম

গুৱাহাটী : দুর্গোৎসৱৰ প্ৰতি লক্ষ্য ৰাখি গুৱাহাটীৰ কুমাৰপাৰাৰ এফ এ ৰোডৰ শিৱানী আকেৰ্ডত অৱস্থিত ‘১১ জুলাই’ ফাইন ডাইন ৰেষ্টুৰেণ্টৰ

Read More...

Mobile Sliding Menu