গৰুখুটীৰ ঘটনা উচ্চতম ন্যায়ালয়ৰ কৰ্মৰত ন্যায়াধীশৰ দ্বাৰা তদন্তৰ দাবী জাতীয় পৰিষদৰ

In ৰাজ্য
Umra Package

গুৱাহাটী : দৰং জিলাৰ গৰুখুটী ধলপুৰত বৃহস্পতিবাৰে উচ্ছেদৰ সময়ত সংঘটিত হোৱা ঘটনাই ভাৰত তথা বিশ্ববাসীৰ ওচৰত অসমক লজ্জাৱনত কৰিছে৷ আৰক্ষীৰ গুলীত বাগৰি পৰা এজন ব্যক্তিৰ ওপৰত চৰকাৰী বাহিনীৰে অংশ হৈ যোৱা ফটোগ্ৰাফাৰজনে কৰা পাশৱিক আচৰণৰ বাবে বিশ্ববাসীৰ আগত অসমবাসীৰ মুখ উলিয়াব নোৱাৰা অৱস্থা৷ ইয়াৰ বাবে দৰং জিলা প্ৰশাসন আৰু আৰক্ষী বিভাগ পোনপটীয়াভাৱে দায়ী৷ সেয়ে আইন-শৃঙ্খলা পৰিস্থিতি নিয়ন্ত্ৰণ কৰিব নোৱাৰা আৰু জঘন্য আমনৱীয় ঘটনা প্ৰতিৰোধেৰে অসম তথা ভাৰতৰ সন্মান ৰক্ষা কৰিব নোৱাৰাৰ বাবে জিলা উপায়ুক্ত আৰু আৰক্ষী অধীক্ষকক জগৰীয়া কৰি তেওঁলোকক তৎকালে নিলম্বিত কৰি দুয়োগৰাকীৰ ওপৰত বিভাগীয় তদন্ত কৰোৱাব লাগে বুলি দাবী উত্থাপন কৰিছে অসম জাতীয় পৰিষদে৷

অসম জাতীয় পৰিষদ দলৰ সভাপতি লুৰীণজ্যোতি গগৈ আৰু সাধাৰণ সম্পাদক জগদীশ ভূঞাই শুকুৰবাৰে এক প্ৰেছ বিজ্ঞপ্তিত কয় যে চৰকাৰী ভূমিত হোৱা বেদখল চৰকাৰী নিয়ম অনুসৰি উচ্ছেদ কৰাটো যেনেকৈ জৰুৰী, তেনেকৈ ৰাজ্য বা দেশৰ সন্মান ৰক্ষা কৰাটোও জৰুৰী৷ চৰকাৰী দায়িত্ব পালন কৰিবলৈ যাওঁতে এনে কোনো কাৰ্য হ’বলৈ দিব নালাগিব যাৰ দ্বাৰা আইন-শৃঙ্খলা বিনষ্ট হয় বা মানৱাধিকাৰ ভংগ হোৱাৰ জৰিয়তে দেশৰ সামগ্ৰিক অহীত সাধন হয়৷ এই বিষয়সমূহ চোৱা-চিতাৰ দায়িত্ব জিলা উপায়ুক্ত আৰু আৰক্ষী অধীক্ষকৰ৷ কিন্তু ধলপুৰত এই দিশসমূহ স্পষ্টভাৱে উপেক্ষা কৰা হৈছে যাৰ পৰিণতিত সমগ্ৰ বিশ্বৰ আগত অসমৰ এখন নেতিবাচক ছবি প্ৰচাৰিত হৈছে৷ এই ক্ষেত্ৰত জিলা উপায়ুক্ত আৰু আৰক্ষী অধীক্ষকৰ গাফিলতি স্পষ্ট হৈছে৷

আনহাতে গুলীবিদ্ধ ব্যক্তিৰ ওপৰত জপিওৱা ব্যক্তিজনক আৰক্ষীয়ে ইতিমধ্যে গ্ৰেপ্তাৰ কৰিছে যদিও উক্ত লোকজনৰ গ্ৰেপ্তাৰ যথেষ্ট নহয়, তেওঁৰ বিৰুদ্ধে হত্যাৰ গোচৰ ৰুজু কৰিব লাগে বুলি উল্লেখ কৰি লুৰীণজ্যোতি গগৈ আৰু জগদীশ ভূঞাই কয় যে প্ৰশাসন আৰু আৰক্ষীৰ দায়িত্বহীনতাৰ বাবেই লোকজনে তেনে ঘটনা সংঘটিত কৰিবলৈ পালে৷ সেয়ে দায়িত্বৰ পৰা উপায়ুক্ত আৰু আৰক্ষী অধীক্ষকে দায় সাৰিব নোৱাৰে৷ জাতীয় পৰিষদৰ মতে, উচ্ছেদ কাৰ্য চলোৱাৰ এটা সুনিৰ্দিষ্ট চৰকাৰী বিধি আছে৷ কিন্তু ধলপুৰৰ উচ্ছেদৰ সময়ত নিৰ্দিষ্ট উচ্ছেদ নীতি অৱলম্বন নোহোৱাৰ কথাটো ইতিমধ্যে স্পষ্ট হৈছে৷ আনকি আইন-শৃঙ্খলা বিনষ্ট হোৱাৰ বিষয়টোতো প্ৰশাসন আৰু আৰক্ষীৰ ব্যৰ্থতা ফুটি উঠিছে৷

ধলপুৰৰ উচ্ছেদ আৰু তাৰ সৈতে সংলগ্ন সমগ্ৰ ঘটনাৱলী এটা পৰিকল্পিত ষড়যন্ত্ৰৰ অংশ বিশেষ যেন ধাৰণা হয় বুলি উল্লেখ কৰি লুৰীণজ্যোতি গগৈ আৰু জগদীশ ভূঞাই কয় যে এই ঘটনাৰ সৈতে সাম্প্ৰদায়িক বিভাজন সৃষ্টিৰে ৰাজনৈতিক মোনাফা আদায়ৰ গোপন উদ্দেশ্য নিহীত হৈ আছে নে কি সেয়া নিশ্চিত কৰাৰ প্ৰয়োজন আছে৷ তাৰ বাবে উচ্চতম ন্যায়ালয়ৰ এগৰাকী কৰ্মৰত ন্যায়াধীশৰ দ্বাৰা সমগ্ৰ ঘটনাক্ৰমৰ তদন্ত কৰোৱাৰ দাবী তোলে নেতাদ্বয়ে৷

You may also read!

Dibrugarh University : ডিব্ৰুগড় বিশ্ববিদ্যালয়ৰ কতৃপক্ষই বহিস্কাৰ কৰিলে ১৮ জন ছাত্ৰক

Shivani Saikia গুৱাহাটী : ডিব্ৰুগড় বিশ্ববিদ্যালয়ত (Dibrugarh University) ভয়ংকৰ ৰেগিংৰ ঘটনা। পদ্মনাথ গোহাঞিবৰুৱা ছাত্ৰাবাসত সংঘটিত হৈছে এই ভয়ংকৰ ৰেগিংৰ

Read More...

Sukur Ali : শুকুৰ আলীক লপা-থপা দি আৰক্ষীক গতাই দিলে ৰাইজে

Basiruddin Ahmed  ধুবুৰী : (Sukur Ali) শুকুৰ আলী বিপদত। ধন আত্মসাৎ কৰি বিপদত পৰিছে শুকুৰ আলী। কেইবাঘণ্টা ধৰি ৰাইজে আটক

Read More...

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Mobile Sliding Menu