বাক্সাৰ জাৰতালুকত পাগলাদিয়া নদীৰ মথাউৰিলৈ প্ৰচণ্ড ভাবুকি

In ৰাজ্য
Umra Package

আজিজ আলী
নলবাৰী : ধমধমাত পাগলাদিয়াৰ মথাউৰি ছিঙাৰ উপক্ৰম। ধমধমাৰ নিকটৱৰ্তী বাক্সা জিলাৰ অন্তৰ্গত জাৰতালুকত পাগলাদিয়া নদীৰ মথাউৰিটোলৈ প্ৰচণ্ড ভাবুকিৰ সৃষ্টি হৈছে। পাঁচ কোটি টকাৰে নিৰ্মাণ কৰা মাথাউৰি খহনীয়াৰ কবলত পৰিছে।

নেৰানেপেৰা বৰষুণৰ ফলত বছৰৰ দ্বিতীয়টো বানৰ কবলত পৰিছে ৰাজ্যৰ কেইবাখনো জিলা। এফালে গুৱাহাটী মহানগৰবাসী কৃত্ৰিম বানত ককবকাই আছে আৰু আনফালে ফেনেফুটুকাৰে বৃদ্ধি পোৱা নৈ-উপনৈৰ জলপৃষ্ঠই বুৰাই পেলাইছে ন ন অঞ্চল।

পাগলাদিয়াৰ নৈৰ জলপৃষ্ঠ বৃদ্ধি পোৱাত ধমধমাত মথাউৰি ছিঙাৰ উপক্ৰম হৈছে। বাক্সা জিলাৰ জাৰতালুকত জলসম্পদ বিভাগে পাঁচ কোটি টকাৰে নিৰ্মাণ কৰা মথাউৰিটো বিভাগটোৰ বিষয়া-কৰ্মচাৰী আৰু ঠিকাদাৰৰ হেমাহিৰ বাবে খহনীয়াত জাহ যোৱাৰ উপক্ৰম হৈছে বুলি স্থানীয় ৰাইজে অভিযোগ উত্থাপন কৰিছে।

বিভাগটোৱে নৱনিৰ্মিত মথাউৰিটোৰ সুৰক্ষাৰ বাবে কোনো পদক্ষেপ গ্ৰহণ নকৰাৰ বাবেই খহনীয়াই সম্প্ৰতি মাথাউৰিটোলৈ চৰম ভাবুকি কঢ়িয়াই আনিছে বুলিও কয় ৰাইজে। জলসম্পদ বিভাগে মথাউৰিটো ৰোধৰ বাবে জিঅʼ বেগ আৰু পাৰ্কুপাইনৰ ব্যৱস্থা কৰিছে যদিও খহনীয়াৰ পৰা মথাউৰিটো ৰোধ কৰাটো অত্যন্ত কঠিন হৈ পৰিছে।

মথাউৰিটো খহনীয়াই ছিঙি পেলালে জাৰতালুকৰ লগতে গোৱালবিল, ভেৰভেৰী, গড়ভিতৰ, উত্তৰ বৰশিৰাল, নিজ বৰশিৰাল আদিকে ধৰি অঞ্চলটোৰ বহুকেইখন গাঁও বানৰ কবলত পৰিব। পাগলদিয়া নদীৰ ভয়ংকৰ ৰূপ দেখি আতংকিত হৈ পৰিছে নৈপৰিয়া ৰাইজ। খহনীয়াৰ তাণ্ডৱ দেখিও শংকিত হৈ পৰিছে অঞ্চলটোৰ গাঁওসমূহ ৰাইজ।

You may also read!

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Deepor Beel : দীপৰ বিলে হেৰুৱাবলৈ ধৰিছে ৰামচাৰ ক্ষেত্ৰৰ বৈশিষ্ট্য সমূহ

Shivani Saikia গুৱাহাটী : ২০০২ চনৰ নৱেম্বৰ মাহত দীপৰ বিলে ৰামচাৰ ক্ষেত্ৰ হিচাপে স্বীকৃতি লাভ কৰিছিল। দীপৰ বিলে অসমৰ একমাত্ৰ

Read More...

National Milk Day : পূৰবী ডেইৰীৰ ৰাষ্ট্ৰীয় দুগ্ধ দিৱস উদযাপন

গুৱাহাটী :  অসমৰ সৰ্ববৃহৎ ডেইৰী কোপাৰেটিভ পূৰবী ডেইৰীয়ে ২৬ নৱেম্বৰত “ভাৰতৰ শ্বেত বিপ্লৱৰ পিতৃ’’, “ভাৰতৰ দুগ্ধমানৱ হিচাপে খ্যাত” ড০

Read More...

Mobile Sliding Menu