ভাং খেতিৰ বাতৰি কৰি উভতি অহা সাংবাদিকৰ দলক ঘেৰাও

In ৰাজ্য
Umra Package

কলগাছিয়া : ভাং খেতিৰ বাতৰি কৰি উভতি অহা সাংবাদিকৰ দলক ঘেৰাও। দেৱানী আৰু অধিবক্তাৰ নেতৃত্বত ঘেৰাও ভাং খেতিৰ বাতৰি কৰিবলৈ যোৱা সাংবাদিকৰ দলক। ভাং খেতি কৰা বুলি সাংবাদিকক কোনে তথ্য দিলে বুলি প্ৰশ্ন দেৱানী আৰু অধিবক্তাৰ নেতৃত্বত সাংবাদিকক ঘৰেও কৰা দলটোৰ। আৰক্ষীৰ হস্তক্ষেপত সাংবাদিকৰ দলটোক উদ্ধাৰ।

বৰপেটা জিলাৰ কলগাছিয়াৰ অন্তৰ্গত খেল্লীত একাংশ লোকে ভাং খেতি কৰা বুলি খবৰ লাভ কৰি সাংবাদিকৰ দল এটা ভাং খেতিৰ বাতৰি সংগ্ৰহ কৰিবলৈ খেল্লীত উপস্থিত হৈছিল। ভাং খেতিৰ তথ্য সংগ্ৰহ কৰি সাংবাদিকৰ দলটো উভতি অহাৰ পথত দেৱানী আৰু অধিবক্তাৰ নেতৃত্বত একাংশ লোকে সাংবাদিকৰ দলটোক ঘেৰাও কৰে।

প্ৰাপ্ত খবৰ মতে খেল্লী গাঁৱৰ মোগৰব আলী নামৰ এজন লোকে নিজৰ ঘৰৰ পিছফালে ভাং খেতি কৰিছে। উক্ত ভাং খেতিৰ খবৰ লাভ কৰাৰ পিছত সাংবাদিকৰ দল এটা খেল্লীৰ মোগৰব আলীৰ ভাং খেতিত উপস্থিত হৈ বাতৰি সংগ্ৰহ কৰিছিল। বাতৰি সংগ্ৰহ কৰি উভতি অহাৰ পথত খেল্লী ঈদগাহ চাৰিআলিত গাঁওবুঢ়াৰ ভাষ্য সংগ্ৰহ কৰাৰ সময়তে নুৰু দেৱানীয়ে নিজৰ ভাতৃ আৰু ভতিজাসহ উপস্থিত হৈ সাংবাদিকৰ দলক আগভেটি ধৰি ভাংৰ তথ্য যোগান ধৰা তথ্যদাতাৰ নাম বিচাৰি সাংবাদিকক আবদ্ধ কৰাৰ লগতে ভাবুকি প্ৰদান কৰে।

তথ্যদাতাৰ নাম নজনালে সাংবাদিকৰ দলক যাবলৈ দিয়া নহ’ব বুলি আবদ্ধ কৰি ৰখাৰ লগতে কেমেৰা ভাঙি দিয়াৰ ভাবুকি প্ৰদান কৰাৰ অভিযোগ উত্থাপন হৈছে। পিছত কলগাছিয়া আৰক্ষী থানাৰ ভাৰপ্ৰাপ্ত আৰক্ষী বিষয়া দেৱানন্দ দাস আৰু বৰভিটা আৰক্ষী চকীৰ ভাৰপ্ৰাপ্ত আৰক্ষী বিষয়া লক্ষিন্দৰ শইকীয়াক ঘটনা সন্দৰ্ভত খবৰ দিয়াত আৰক্ষীয়ে ততাতৈয়াকৈ ঘটনাস্থলীত উপস্থিত হৈ পৰিস্থিতি নিয়ন্ত্ৰণ কৰাৰ লগতে সাংবাদিকৰ দলটোক উদ্ধাৰ কৰে।

You may also read!

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Deepor Beel : দীপৰ বিলে হেৰুৱাবলৈ ধৰিছে ৰামচাৰ ক্ষেত্ৰৰ বৈশিষ্ট্য সমূহ

Shivani Saikia গুৱাহাটী : ২০০২ চনৰ নৱেম্বৰ মাহত দীপৰ বিলে ৰামচাৰ ক্ষেত্ৰ হিচাপে স্বীকৃতি লাভ কৰিছিল। দীপৰ বিলে অসমৰ একমাত্ৰ

Read More...

National Milk Day : পূৰবী ডেইৰীৰ ৰাষ্ট্ৰীয় দুগ্ধ দিৱস উদযাপন

গুৱাহাটী :  অসমৰ সৰ্ববৃহৎ ডেইৰী কোপাৰেটিভ পূৰবী ডেইৰীয়ে ২৬ নৱেম্বৰত “ভাৰতৰ শ্বেত বিপ্লৱৰ পিতৃ’’, “ভাৰতৰ দুগ্ধমানৱ হিচাপে খ্যাত” ড০

Read More...

Mobile Sliding Menu