এখন দলংৰ বাবে সম্পূৰ্ণৰূপে ভস্মীভূত হ’ল তিনিখনকৈ দোকান

In ৰাজ্য
TheChocolateRoomTezpur

আমিনুৰ ৰহমানৰ সহযোগত ‌‌প্ৰীতী পাৰিক

শিৱসাগৰ : শিৱসাগৰত নিশা বিধ্বংসী অগ্নিকাণ্ড। অগ্নি নিৰ্বাপক বাহিনীৰ গাড়ী উপস্থিত হ’ব নোৱাৰিলে ঘটনাস্থলীত। এখন দলংৰ বাবেই সম্পূৰ্ণৰূপে ভস্মীভূত হ’ল তিনিখনকৈ দোকান। কেইবা লক্ষাধিক টকাৰ সামগ্ৰী জুইত জাহ যায়। 

শনিবাৰে নিশাৰ ভাগত শিৱসাগৰৰ বকতা অঞ্চলত সংঘটিত হয় এক বিধ্বংসী অগ্নিকাণ্ডৰ ঘটনা। অগ্নিকাণ্ডত নঙলামৰা শিৱ মন্দিৰৰ সন্মুখত থকা তিনিখনকৈ দোকান সম্পূৰ্ণৰূপে ভস্মীভূত হয়। নিশা প্ৰায় ১২ মান বজাত সংঘটিত হয় এই অগ্নিকাণ্ড ঘটনা।

অগ্নিকাণ্ড সংঘটিত হোৱাৰ পিছতে স্থানীয় ৰাইজে তৎপৰতাৰে অগ্নি নিৰ্বাপক বাহিনীক খৱৰ দিয়ে যদিও অগ্নি নিৰ্বাপক বাহিনীৰ গাড়ী উপস্থিত হব নোৱাৰিলে ঘটনাস্থলীত।বকতা-নঙলামৰাৰ দলংখনৰ জৰাজীৰ্ণ অৱস্থাৰ বাবেই অগ্নি নিৰ্বাপক বাহিনীৰ গাড়ী ঘটনাস্থলীত উপস্থিত হ’ব নোৱাৰিলে।

দলংখনেৰে চাৰিচকীয়া আৰু গধুৰ যান-বাহন চলাচল বন্ধ হৈ থকাৰ ফলত অগ্নি নিৰ্বাপক বাহিনীৰ গাড়ী দলংখনৰ এমূৰে ৰৈ থাকিব লগীয়া হয়। ফলত বিধ্বংসী অগ্নিকাণ্ডত তিনিখনকৈ দোকান সম্পূৰ্ণৰূপে ভস্মীভূত হোৱাত কেইবা লক্ষাধিক টকাৰ সামগ্ৰী জুইত জাহ যায়। অগ্নিকাণ্ডৰ কাৰণ জানিব পৰা হোৱা নাই।

You may also read!

তিনিদিনীয়া ভ্ৰমণসূচীৰে গুৱাহাটীত জে চি আইৰ ৰাষ্ট্ৰীয় সভাপতি

গুৱাহাটী : দেশৰ আটাইতকৈ জনপ্ৰিয় আৰু সক্রীয়া স্বেচ্ছাসেৱী সংগঠন জুনিয়ৰ চেম্বৰ ইণ্টাৰনেচনেল চমুকৈ জে চি আই। ১০০ বছৰীয় পুৰণি

Read More...

অভিযুক্তক প্ৰহাৰ আৰু ধনদাবী কৰি গ্ৰেপ্তাৰ ভাৰপ্ৰাপ্ত বিষয়া হাইদৰ হুছেইন

নগাঁও : নগাঁও জিলাৰ ৰূপহীহাট আৰক্ষী থানাৰ অন্তৰ্গত কাৱৈমাৰী আৰক্ষী চকীৰ ভাৰপ্ৰাপ্ত আৰক্ষী বিষয়া এতিয়া ৰঙা ঘৰৰ আলহী। কাৰণ

Read More...

বৰক্ষেত্ৰীৰ কেইজনমান সাধাৰণ যুৱকে দেখুৱালে মানৱতা

আজিজ আলী মুকালমুৱা : কেইজনমান সাধাৰণ যুৱকে দেখুৱালে মানৱতা। বানাক্ৰান্ত ৰাইজৰ কাষত থিয় দিলে কেইজনমান সাধানৰ যুৱক। নিজৰ গাঁঠিৰ ধন

Read More...

Mobile Sliding Menu