শিমলুগুৰি, ১৯ ছেপ্টেম্বৰঃ নগাঁৱৰ জুৰিয়াৰ বিধায়ক নুৰুল হুদাই অসমীয়া সংস্কৃতিৰ প্ৰতীক গামোচা জ্বলাই অসমীয়াৰ স্বাভিমানক আঘাত সনাৰ অভিযোগ কৰি শিৱসাগৰৰ শিমলুগুৰিৰ বৃহত্তৰ অসমীয়া যুৱ মঞ্চই উত্তাল প্ৰতিবাদ সাব্যস্ত কৰে। যুৱ মঞ্চই শিমলুগুৰিৰ ধোদৰ আলিৰ ৰাজপথত বিধায়ক নুৰুল হুদাৰ প্ৰতিকৃতি দাহ কৰি নুৰুল হুদা মুৰ্দাবাদ, এনএছইউআই মুৰ্দাবাদ, অসমীয়াক অপমান সহ্য কৰা নহ’ব আদি প্ৰতিবাদী শ্ল’গানেৰে চৌদিশ উত্তাল কৰি তোলে৷ মঞ্চই নুৰুল হুদাৰ বিধায়ক পদ খাৰিজ কৰিবলৈ দাবী জনায়।