গুৱাহাটী : ভাৰতৰ প্ৰথম এগ্ৰিগেতেড ৰিয়েল লাইফ এন্টাৰটেইনমেন্ট ষ্ট্ৰীমিং এপ ডিস্কভাৰী+য়ে ‘দঙ্গলছ অফ ক্ৰাইম-দ্য আন্টোল্ড ষ্টৰি এবাউট ইন্ডিয়ান ৰেচলিং’ নামৰ এক তথ্যপূৰ্ণ আৰু অনুসন্ধানমূলক চিৰিজ মুকলি কৰে। কেৱল ডিস্কভাৰী+ত প্ৰচাৰিত হ’বলগীয়া ডকুচিৰিজটোৱে কেৱল দৰ্শক আৰু অনুৰাগীসকলক ভাৰতত অলিম্পিক ক্ৰীড়া কুস্তিৰ উত্থানৰ যাত্ৰাৰ বিষয়ে অৱগত কৰাই নহয়, লগতে ক্ৰীড়াবিধ কেনেদৰে অপৰাধৰ সৈতে সম্পৰ্কিত সেই বিষয়ে এক গভীৰ অন্বেষণও কৰিব। প্ৰাক্তন মল্লযোদ্ধা আৰু প্ৰশিক্ষক, বিশিষ্ট ক্ৰীড়া সাংবাদিকৰ লগতে আইন প্ৰৱৰ্তনকাৰী বিষয়াসকলে তেওঁলোকৰ অভিজ্ঞতা, অন্তৰ্দৃষ্টি আৰু ক্ৰীড়াৰ সৈতে সম্পৰ্কিত স্মৃতিৰ সৈতে ইয়াত গুৰুত্বপূৰ্ণ ভূমিকা পালন কৰিছে।
দুটা খণ্ডৰ ‘দঙ্গলছ অফ ক্ৰাইম’ চিৰিজটো ক্ৰীড়া, অপৰাধ আৰু ইতিহাস শৈলীৰ দৰ্শকৰ বাবে এক ৰোমাঞ্চকৰ ডকুচিৰিজ। গ্ৰীষ্মকালীন অলিম্পিকত ভাৰতে এতিয়ালৈকে জিকা পদকৰ ক্ষেত্ৰত সাতটা পদকেৰে আটাইতকৈ সফল ব্যক্তিগত ক্ৰীড়া, কুস্তিৰ জনপ্ৰিয়তা শীৰ্ষত উপনীত হৈছিল যেতিয়া দুয়োজন প্ৰতিষ্ঠিত মল্লযোদ্ধা সুশীল কুমাৰ আৰু যোগেশ্বৰ দত্তই একেৰাহে দুখন অলিম্পিক গেমছত তিনিটা পদক জিকিছিল (বেইজিং ২০০৮ আৰু লণ্ডন ২০১২)। ভাইচ ষ্টুডিঅ’ প্ৰডাকচনৰ দ্বাৰা প্ৰযোজিত আৰু পুৰস্কাৰ প্ৰাপ্ত পৰিচালক নিয়ান্থা শেখৰৰ দ্বাৰা পৰিচালিত এই তথ্যচিত্ৰখনে এজন সফল মল্লযোদ্ধাৰ সফলতাৰ যাত্ৰা প্ৰদৰ্শন কৰাৰ উপৰিও তেওঁৰ আখৰা সংস্কৃতি, কঠোৰ অনুশাসন আৰু অতুলনীয় আনুগত্যৰ ওপৰত আলোকপাত কৰিছে।
ডকুচিৰিজটোৱে দুটা অতি গুৰুত্বপূৰ্ণ দিশৰ ওপৰত আলোচনা কৰিছে, যিয়ে দেখুৱায় যে এফালে মল্লযুদ্ধই কেনেদৰে ক্ৰীড়াক্ষেত্ৰত ভাৰতৰ বাবে সুনাম কঢ়িয়াই অনাত গুৰুত্বপূৰ্ণ ভূমিকা পালন কৰিছে, আনহাতে, ই ক্ৰীড়াৰ সৈতে সম্পৰ্কিত কিছুমান অন্ধকাৰ মুহূৰ্তৰো সাক্ষী হৈ আছে যি খেলৰ গৌৰৱময় যাত্ৰা আৰু খেলুৱৈসকলৰ গৌৰৱৰ ওপৰত প্ৰশ্নবোধক চিহ্ন লগোৱাৰ কাম কৰে। দক্ষিণ এছিয়াৰ ডিস্কভাৰী, ইঙ্ক’ৰ পৰিচালনা সঞ্চালক মেঘা টাটাই কয়, “আটাইতকৈ আকৰ্ষণীয় কাহিনীবোৰ প্ৰদান কৰাৰ আমাৰ ব্ৰেণ্ডৰ প্ৰতিশ্ৰুতি পালন কৰি, আমি এই নতুন অনুসন্ধানমূলক ডকুচিৰিজৰ প্ৰিমিয়াৰ কৰিবলৈ উৎসাহিত। ‘দঙ্গলছ অফ ক্ৰাইম’ য়ে ভাৰতৰ কিছুমান মহান ঘৰুৱা চেম্পিয়নৰ মন্থন কৰা এক ক্ৰীড়া-কুস্তিৰ ক্ষেত্ৰত গভীৰ অন্তৰ্দৃষ্টি প্ৰদান কৰে। এই ক্ৰীড়াৰ উপৰত আটাইতকৈ তথ্যপূৰ্ণ উপায়েৰে আলোকপাত কৰি, এই ডিস্কভাৰী+ অৰিজিনেলচে এজন মল্লযোদ্ধাৰ নিৰ্মাণৰ সকলো দিশ, ইয়াৰ বৰ্তমানৰ বাস্তৱতা আৰু ইয়াৰ সৈতে সম্পৰ্কিত অপৰাধৰ ওপৰত আলোকপাত কৰে। নিশ্চিতভাৱে ই আমাৰ দৰ্শকসকলক ভাবিবলৈ বাধ্য কৰিব।”
ইঙ্ক’ৰ পৰিচালনা সঞ্চালক গৰাকীয়ে আৰু কয় “তথ্যচিত্ৰখনে কেৱল ডিস্কভাৰী+ত ক্ৰমান্বয়ে বাঢ়ি অহা কন্টেন্টৰ তালিকাতেই মূল্য যোগ নকৰে, লগতে আমাৰ প্লেটফৰ্মত বিষয়-সম্পৰ্কীয় অৱদানো আগবঢ়ায়। ই নিশ্চিতভাৱে এক আকৰ্ষণীয় অনুষ্ঠান হ’ব।” তথ্যচিত্ৰখনত প্ৰতিফলিত হোৱা উল্লেখযোগ্য প্ৰাক্তন প্ৰশিক্ষক আৰু মল্লযোদ্ধাসকলৰ ভিতৰত সতবীৰ সিং, বীৰেন্দ্ৰ কুমাৰ, অনিল মান আৰু ৰামফল মান আদিৰ দৰে নাম আছে। চিৰিজটোৱে কাহিনীটোৰ গভীৰতালৈ যায় যি কেৱল সাময়িকেই নহয়, লগতে ই বিভিন্ন দৃষ্টিভংগী, অন্তৰ্দৃষ্টিৰে দৰ্শক আৰু উৎসাহী ডিস্কভাৰী অনুসৰণকাৰীসকলৰ বাবে কাহিনীপ্ৰবাহটো উন্মোচন কৰে।দঙ্গলছ অফ ক্ৰাইম-দ্য আন্টোল্ড ষ্টৰি এবাউট ইন্ডিয়ান ৰেচলিং’ আজিৰ পৰা কেৱল ডিস্কভাৰী+ এপত প্ৰচাৰিত হৈছে।