কাৰ নেতৃত্বত চলে গৌৰীপুৰৰ ঢেপঢেপী প্ৰাথমিক স্বাস্থ্যকেন্দ্ৰত মদৰ আড্ডা

In ৰাজ্য
Umra Package

আনিছুৰ আলী

গৌৰীপুৰ

২৫ জুলাই

নামনি অসমৰ ধুবুৰী জিলাৰ ২৪ নং গৌৰীপুৰ বিধান সভা সমষ্টিৰ ঢেপঢেপী প্ৰাথমিক স্বাস্থ্যকেন্দ্ৰত চলে মদৰ আড্ডা। দিনে-নিশাই স্বাস্থ্যকেন্দ্ৰটোৰ একাংশ কৰ্মচাৰীয়ে স্বাস্থ্যকেন্দ্ৰটোত চলাই আহিছে মদৰ আড্ডা। স্থনীয় ৰাইজে দীৰ্ঘদিন ধৰি অভিযোগ কৰি অহাৰ পিছতো স্বাস্থ্যকেন্দ্ৰটোৰ চিকিৎসকে গ্ৰহণ কৰা নাই কোনো পদক্ষেপ৷

ধুবুৰী জিলাৰ গৌৰীপুৰৰ অন্তৰ্গত ঢেপঢেপী প্ৰাথমিক স্বাস্থ্যকেন্দ্ৰত দীৰ্ঘ দিনৰ পৰা একাংশ কৰ্মচাৰীয়ে দিনে-নিশাই মদৰ আড্ডা চলাই অহাৰ অভিযোগ উত্থাপন কৰিছে স্থানীয় ৰাইজে৷ ৰাইজৰ অভিযোগ অনুসৰি স্বাস্থ্যকেন্দ্ৰটোৰ এগৰাকী ৪ৰ্থ বৰ্গৰ কৰ্মচাৰী শিবুল চন্দ্ৰ ৰায়ে স্বাস্থ্যকেন্দ্ৰটোত চলাই আহিছে মদৰ আড্ডা৷ স্বাস্থ্যকেন্দ্ৰটোৰ দায়িত্বত থকা চিকিৎসক সকলক স্থানীয় ৰাইজে ৪ৰ্থ বৰ্গৰ কৰ্মচাৰী শিবুল চন্দ্ৰ ৰায় স্বাস্থ্যকেন্দ্ৰটোত দীৰ্ঘদিন ধৰি মদৰ আড্ডা চলাই অহাৰ অভিযোগ দিয়াৰ সত্বেও স্বাস্থ্যকেন্দ্ৰটোৰ চিকিৎসকে কোনো পদক্ষেপ গ্ৰহণ নকৰাৰো অভিযোগ উত্থাপন কৰিছে ৰাইজে।

অভিযোগৰ মাজতে শুকুৰবাৰে নিশা ১১ মান বজাত স্বাস্থ্যকেন্দ্ৰটোৰ ৪ৰ্থ বৰ্গৰ কৰ্মচাৰী শিবুল চন্দ্ৰ ৰায় আৰু তেওঁৰ বন্ধু বিৰেন্দ্ৰ নাথ ৰায় পুনৰ স্বাস্থ্যকেন্দ্ৰটোত মদৰ আড্ডা দিয়াত স্থনীয় দুজন যুৱক দিপক ৰায় আৰু সুনীল ৰায়ে বাধা আৰোপ কৰাত শিবুল চন্দ্ৰ ৰায় আৰু তেওঁৰ বন্ধু বিৰেন্দ্ৰ নাথ ৰায়ে চোকা অস্ত্ৰৰে যুৱক দুজনক আক্ৰমণ কৰি আঘাতপ্ৰাপ্ত কৰে। আঘাতপ্ৰাপ্ত দিপক ৰায় আৰু সুনীল ৰায়ে ইতিমধ্যে ঘটনা সংক্ৰান্তত গোলকগঞ্জ আৰক্ষী চকীত এখন এজাহাৰ দাখিল কৰিছে৷ আনহাতে স্বাস্থ্যকেন্দ্ৰটোৰ কৰ্মচাৰী শিবুল চন্দ্ৰ ৰায় আৰু তেওঁৰ বন্ধু বিৰেন্দ্ৰ নাথ ৰায়ে মদৰ আড্ডা দিয়াত বাধা আৰোপ কৰা দিপক ৰায় আৰু সুনীল ৰায়ৰ বিৰুদ্ধেও এখন এজাহাৰ গোলকগঞ্জ আৰক্ষী চকীত দাখিল কৰিছে বুলি জানিব পৰা গৈছে৷

ৰাজ্যৰ স্বাস্থ্যমন্ত্ৰী হিমন্ত বিশ্ব শৰ্মাই উজনি অসমৰ সদিয়াৰ পৰা নামনি অসমৰ ধুবুৰীলৈকে স্বাস্থ্য বিভাগত যথেষ্ট পৰিবৰ্তন আনিছে বুলি সঘনাই দাবী কৰি থকাৰ মাজতে স্বাস্থ্য বিভাগৰ প্ৰকৃততে কি পৰিবৰ্তন হৈছে ইয়াৰ উদাহৰণ গৌৰীপুৰৰ ঢেপঢেপী প্ৰাথমিক স্বাস্থ্যকেন্দ্ৰত মদৰ আড্ডা। যি সময়ত সমগ্ৰ ৰাজ্যত মহামাৰী কৰ’ণা ভাইৰাছে ভয়াবহ ৰূপ ধাৰণ কৰিছে সেই সময়ত স্বাস্থ্যকেন্দ্ৰত মদৰ আড্ডাই সাধাৰণ জনতাৰ মাজত প্ৰতিক্ৰিয়াৰ সৃষ্টি হৈছে৷

You may also read!

Salon Azure : গুৱাহাটীত মুকলি হ’ল আমেৰিকাৰ চেলুন ব্ৰেণ্ড আজুৰৰ প্ৰথমটো আউটলেট

গুৱাহাটী : আমেৰিকা যুক্তৰাষ্ট্ৰৰ স্বনামধন্য আন্তঃৰাষ্ট্ৰীয় চেলুন ব্ৰেণ্ড, চেলুন আজুৰে (Salon Azure) ২৭ নৱেম্বৰত গুৱাহাটীৰ উলুবাৰীত পূব ভাৰতৰ প্ৰথমটো

Read More...

Deepor Beel : দীপৰ বিলে হেৰুৱাবলৈ ধৰিছে ৰামচাৰ ক্ষেত্ৰৰ বৈশিষ্ট্য সমূহ

Shivani Saikia গুৱাহাটী : ২০০২ চনৰ নৱেম্বৰ মাহত দীপৰ বিলে ৰামচাৰ ক্ষেত্ৰ হিচাপে স্বীকৃতি লাভ কৰিছিল। দীপৰ বিলে অসমৰ একমাত্ৰ

Read More...

National Milk Day : পূৰবী ডেইৰীৰ ৰাষ্ট্ৰীয় দুগ্ধ দিৱস উদযাপন

গুৱাহাটী :  অসমৰ সৰ্ববৃহৎ ডেইৰী কোপাৰেটিভ পূৰবী ডেইৰীয়ে ২৬ নৱেম্বৰত “ভাৰতৰ শ্বেত বিপ্লৱৰ পিতৃ’’, “ভাৰতৰ দুগ্ধমানৱ হিচাপে খ্যাত” ড০

Read More...

Mobile Sliding Menu